დიაბეტური რეტინოპათია

დიაბეტი ზრდის თვალის სხვადასხვა დაავადების განვითარების რისკს.

ხანდაზმული, არასათანადოდ ნამკურნალები და დაურეგულირებელი დიაბეტი ხშირ შემთხვევაში იწვევს დიაბეტურ რეტინოპათიას. 40+ ადამიანების მესამედს დიაბეტის ფონზე რეტინოპათია უვითარდება. სისხლში გლუკოზის (შაქრის) მაღალი დონე ბადურის უჯრედებისა და სისხლძარღვების დაზიანებას იწვევს.

დიაბეტური რეტინოპათია უსიმპტომოდ იწყება, მაგრამ დაავადების ადრეულ სტადიაზე აღმოჩენისას სიბრმავის განვითარების რისკი 5%-მდე მცირდება.

გართულებული ფორმების დროს შეიძლება აღინიშნოს შემდეგი სიმპტომები:

• ბუნდოვანი ან „ბინდის“ მსგავსი მხედველობა

• შავი ლაქები ან ხაზები მხედველობის ველში

• მხედველობის დაკარგვა

რისკ-ფაქტორები:

• შაქრიანი დიაბეტი (როგორც ტიპი 1, ასევე ტიპი 2)

• დიაბეტის ხანგრძლივობა

• გაუკონტროლებელი შაქრის დონე

• არტერიული წნევა

• მაღალი ქოლესტერინი

• ორსულობა (დიაბეტით)

როგორ ავიცილოთ დიაბეტური რეტინოპათია?

• გლუკოზის კონტროლი– შეინარჩუნეთ შაქრის დონე ნორმის ფარგლებში.

• რეგულარული ვიზიტი ოფთალმოლოგთან – ჩაატარეთ ბადურას კომპიუტერული დიაგნოსტიკა მინიმუმ წელიწადში ერთხელ.

• სისხლის წნევისა და ქოლესტერინის მართვა – ეს მნიშვნელოვნად ამცირებს დაავადების პროგრესირების რისკს.

მკურნალობის მეთოდები მოიცავს:

• ლაზერულ თერაპიას – სისხლძარღვების გაჟონვის შესაჩერებლად

• ინექციებს – რეტინაში სპეციალური პრეპარატების შეყვანა

• ქირურგიას  – რთული შემთხვევების დროს

ოფთალმოლოგთან ვიზიტი აუცილებელია შაქრიანი დიაბეტის დიაგნოზის დასმისთანავე და შემდგომი ვიზიტების სიხშირეს ოფთალმოლოგი განსაზღვრავს.